Photo by: Romualdas Stankevičius
Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ 23 červienia na videabryfinhu.
«A pakul nieabchodna pieraadoleć psichałahičny chaładnavata-daždžavy rubiež.
U minułyja vychadnyja ŭmovy nadvorja Biełarusi znoŭ znachodzilisia pad upłyvam chaładnavatych vilhotnych pavietranych mas, što pastupali sa Skandynaŭskaha paŭvostrava i akvatoryi Bałtyjskaha mora. Tempieraturny fon na 3—6°S akazaŭsia chaładniejšym za zvyčajny i bolš adpaviadaŭ pieršym čysłam maja. Takoje panižeńnie tempieratury ŭ červieni nie redkaść dla Biełarusi», — adznačyŭ sinoptyk.
U aŭtorak pa-raniejšamu vilhotnaje chaładnavataje pavietra z paŭnočnaha zachadu kantynienta budzie farmiravać chaładnavataje daždžlivaje nadvorje. Nočču miescami, dniom na bolšaj častcy terytoryi karotkačasovyja daždžy, u asobnych rajonach navalnicy. Tempieratura nočču plus 4—10°S, dniom plus 13—18°S, pa poŭdni da plus 20°S.
Chaładnavata budzie i ŭ sieradu.
Tempieratura pavietra nočču plus 3—10°S, dniom plus 12—18°S, pa poŭdni da plus 20°S. Pieravažna pa paŭnočnaj pałovie karotkačasovyja daždžy, dniom u asobnych rajonach navalnicy. Viecier paŭnočna-zachodni ŭmierany, pry navalnicach paryvisty.
U čaćvier dniom da paŭnočna-zachodnich miežaŭ padydzie čarhovy frantalny raździeł i znoŭ na bolšaj častcy terytoryi projduć daždžy. U asobnych rajonach navalnicy. Tempieratura pavietra nočču plus 2—9°S, dniom plus 14—21°S.
U piatnicu pry ŭmieranym paŭnočnym vietry zachavajecca chaładnavataje nadvorje.
Tempieratura nočču plus 5—12°S, dniom plus 14—21°S. Na bolšaj častcy terytoryi projduć daždžy, pa paŭdniovym uschodzie miescami mocnyja daždžy. U asobnych rajonach navalnicy.
Pavodle słoŭ Rabava, «na nastupnyja vychadnyja čakajecca niekatoraje palapšeńnie nadvorja: paŭnočny viecier źmienicca paŭdniova-zachodnim, i z Centralnaj Jeŭropy stanie pastupać bolš ciopłaje pavietra».
Tamu ŭ subotu ŭ razhar dnia plus 18—24°S, pa zachadzie Bresckaj i Hrodzienskaj abłaściej pavietra prahrejecca da plus 26°S.
U niadzielu dniom jašče na paru hradusaŭ stanie ciaplej.
Tempieratura nočču ŭ asnoŭnym plus 6—12°S. «U mnohich rajonach daždžy spyniacca, tolki miescami pad akampaniemient navalnic čakajucca karotkija letnija daždžy. Nočču i ranicaj u nizkich miescach i pablizu vadajomaŭ mohuć zhuščacca niepraciahłyja tumany», — skazaŭ sinoptyk.