U pieršy tydzień leta Biełaruś čakaje pa-sapraŭdnamu letniaje, ciopłaje nadvorje, adnak z daždžami i navalnicami.
Photo by: Erikas Bakšenskas
Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ 2 červienia na videabryfinhu.
Siaredniaja tempieratura pavietra ŭ pieršuju dekadu červienia čakajecca na 2-4 hradusy vyšejšaj za normu.
Pieršuju pałovu tydnia ŭ Biełaruś budzie pastupać bolš ciopłaja, vilhotnaja pavietranaja masa z Čornaha mora.
U aŭtorak na bolšaj častcy terytoryi krainy projduć karotkačasovyja daždžy, dniom miescami mocnyja liŭni i hrad. Nočču ŭ asobnych rajonach, a dniom na značnaj častcy terytoryi buduć naziracca navalnicy, dniom miescami škvalistaje ŭzmacnieńnie vietru paryvami da 15—20 m/c. U načnyja i ranišnija hadziny ŭ asobych rajonach tuman.
Tempieratura nočču plus 10—16, dniom ad plus 18 pa zachadzie da plus 27 pa ŭschodzie.
U sieradu na bolšaj častcy terytoryi projduć karotkačasovyja daždžy, miescami navalnicy. Tempieratura nočču plus 10—16; dniom plus 21—28, u zachodnich rajonach plus 18—20.
U čaćvier na bolšaj častcy terytoryi krainy prahnazujucca karotkačasovyja daždžy, miescami navalnicy. Tempieratura nočču plus 10—16, dniom plus 21—28.
«Pačynajučy ź piatnicy z rostam atmaśfiernaha cisku daždžoŭ stanie mienš, a tempieratura pavietra jašče krychu pavysicca», — paviedamiŭ Rabaŭ.
U piatnicu — niadzielu buduć naziracca karotkačasovyja daždžy, navalnicy. Tempieratura nočču plus 12—18, dniom plus 24—29, pa ŭschodzie da plus 30—32.
«U cełym červień nas paraduje ciopłym, letnim nadvorjem, — adznačyŭ Rabaŭ. — U hetym miesiacy čakajecca tempieratura pavietra vyšej za klimatyčnuju normu (norma plus 15—17°S). Kolkaść apadkaŭ — u miežach siarednich šmathadovych značeńniaŭ, miescami bolš za normu (klimatyčnaja norma 69—87 mm)».
