U druhoj pałovie hetaha tydnia ŭ Biełarusi pachaładaje, paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ padčas videabryfinhu 26 maja.
«I chacia ŭ aŭtorak jašče ŭ asnoŭnym adabjecca ŭpłyŭ ciopłaha vilhotnaha pavietra, usia ŭvaha sinoptykaŭ prykavanaja da poŭnačy, da susiednich abłaściej Rasii, dzie ŭmovy nadvorja farmirujuć chałodny atmaśfierny front. U zonu jaho ŭpłyvu trapiać krajnija paŭnočna-zachodnija rajony Viciebskaj vobłaści», — skazaŭ sinoptyk. Tamu ŭ aŭtorak nočču plus 11—18°S, dniom tempieratura pavietra budzie vahacca ad plus 22°S pa paŭnočnym zachadzie da plus 31°S pa paŭdniovym uschodzie krainy. Na bolšaj častcy terytoryi projduć navalničnyja daždžy, pry navalnicach u asobnych rajonach škvalistaje ŭzmacnieńnie vietru da 15—20 m/s. Miescami hrad, mocnyja liŭni.
«U sieradu pad upłyvam frantalnaha padziełu paŭdniovy, paŭdniova-ŭschodni viecier źmienicca paŭnočnym, i vielmi ciopłaje pavietra stanie adstupać na poŭdzień. 30-hradusnaja śpiakota pakinie našu terytoryju, a pa paŭnočnym zachadzie Biełarusi pachaładaje», — skazaŭ Rabaŭ.
Tempieratura pavietra nočču plus 11—18°S, u paŭnočnych rajonach plus 8—10°S, dniom ad plus 13°S pa paŭnočnym zachadzie da plus 26°S pa paŭdniovym uschodzie.
Na značnaj častcy terytoryi čakajucca karotkačasovyja daždžy, dniom u asobnych rajonach mocnyja daždžy. Miescami navalnicy.
Da kanca tydnia zachavajecca chaładnavataje daždžlivaje nadvorje. U čaćvier na bolšaj častcy terytoryi karotkačasovyja daždžy, pa paŭdniovym uschodzie miescami mocnyja daždžy, navalnicy. Tempieratura nočču plus 6—13°S, dniom plus 12—19°S, pa paŭdniovym uschodzie nočču plus 14—16°S, dniom plus 20—25°S.
U piatnicu—niadzielu na bolšaj častcy terytoryi karotkačasovyja daždžy, miescami navalnicy.
Tempieratura pavietra nočču plus 5—12°S, dniom plus 13—20°S; pa paŭdniovym uschodzie nočču plus 13—15°S, dniom plus 21—26°S.
Tempieratura vady ŭ rekach i vadajomach pavysiłasia i składaje 20—24°S.
