U krasaviku nasielnictva Biełarusi zaniało pazicyju čakańnia: terminovyja depazity ŭ rublach ledź źnizilisia (pryrost tolki za košt pracentaŭ), valutnyja — i trochi padraśli (iznoŭ ža za košt pracentaŭ).
Situacyja nahadvaje zacišša pierad buraj, pakolki bližej da kanca traŭnia, dakładniej da zaviaršeńnia ČS pa chakiei, šmatlikim uładalnikam rublovych depazitaŭ treba budzie zrabić nialohki vybar: źniać rubli i kupić valutu, abaraniŭšy siabie ad vielmi čakanaj devalvacyi rubla, ale adnačasova pakinuć siabie biez depazitnych zvyšprybytkaŭ (z-za za vysokich pracentnych stavak) abo pavieryć u zapeŭnivańnie ŭład, što valuta na padtrymku kursu rubla budzie.
Pa dadzienych Nacbanka RB, na 1 maja 2014 hoda depazity nasielnictva ŭ nacyjanalnaj valucie skłali Br40,842 trłn., pavialičyŭšysia na Br2,573 trłn. abo 6,7 % u krasaviku paśla źnižeńnia na Br96,9 młrd., abo 0,3 % u sakaviku. Z pačatku hoda rost rublovych depazitaŭ skłaŭ Br7,823 trłn., abo 23,7%.
U pryvatnaści, terminovyja ŭkłady ŭ krasaviku vyraśli na Br364,2 młrd., abo 1,3 % da Br28, 234 trłn., pieravodnyja vyraśli na Br2,209 trłn. abo 21,2 % da Br12,608 trłn. na 1 maja 2014 hoda.
Valutnyja ŭkłady ŭ krasaviku vyraśli na $69 młn., abo 0,9 % paśla rostu na $ 55 młn., abo 0,7 % u sakaviku i na 1 maja 2014 hoda skłali $7539,8 młn. Ad pačatku hoda ŭkłady nasielnictva ŭ valucie vyraśli na $ 250,6 młn., abo 3,4%.
Rublovy ekvivalent valutnych depazitaŭ na 1 maja 2014 hoda skłaŭ Br75,247 trłn., pavialičyŭšysia na Br1, 511 trłn. abo 2 % u krasaviku paśla rostu na Br1,359 trłn. abo 1,9 % u sakaviku.
Terminovyja valutnyja ŭkłady ŭ krasaviku vyraśli na $ 62,8 młn., abo 0,9 % da $ 7084,4 młn., pieravodnyja — na $ 6,3 młn., abo 1,4 % da $ 455,4 młn.
