Prakuror Mižnarodnaha kryminalnaha suda Fatu Biensuda pačała papiaredniaje vyvučeńnie zajavy Ukrainy ab złačynstvach, ździejśnienych papiaredniaj uładaj.
Pra heta havorycca ŭ pres-relizie Mižnarodnaha kryminalnaha suda ŭ Haazie.
Adznačajecca, što 17 krasavika 2014 h. urad Ukrainy padaŭ zajavu ŭ adpaviednaści z artykułam 12 (3) Rymskaha statuta ab pryznańni jurysdykcyi Mižnarodnaha kryminalnaha suda (MUS) adnosna złačynstvaŭ, učynienych, pa śćviardžeńniach, na terytoryi Ukrainy ŭ pieryjad z 21 listapada 2013 pa 22 lutaha 2014.
Jak havorycca ŭ paviedamleńni, paśla atrymańnia zajavy pa pradstaŭleńni dziaržavy, u adpaviednaści z artykułam 12 (3) Rymskaha statuta, ofis prakurora pačynaje jaho papiaredni razhlad zhodna z pastajannym paradkam (na anhlijskaj movie).
Takim čynam, prakuror MUS Biensuda pryniała rašeńnie pačać papiaredniaje vyvučeńnie situacyi va Ukrainie z metaj ustalavać adpaviednaść patrabavańniam Rymskaha statuta dla dalejšaha adkryćcia dasudovaha rasśledavańnia. U adpaviednaści z artykułam 53 (1) Rymskaha statuta, prakuror budzie razhladać pytańni jurysdykcyi, prymalnaści i intaresaŭ pravasudździa.
