Kiraŭnik Biełarusi ŭ intervju dla prahramy «Siońnia. Vynikovaja prahrama» telekampanii NTV raspavioŭ padrabiaznaści ab svaich pieramovach z v.a. prezidenta Ukrainy Alaksandram Turčynavym 29 sakavika.
Łukašenka acharaktaryzavaŭ Alaksandra Turčynava jak vielmi relihijnaha čałavieka i intelektuała.
«My možam nie zhadžacca ź im, u płanie jaho relihijnaści (jon baptyst) i hetak dalej, ale jon vielmi vieryć u toje, što robić.
I jon nie chłusić. Kali jon havoryć, značyć, kaža tolki praŭdu. Jon moža być i nie maje racyju, ale jon tak ličyć», — adznačyŭ kiraŭnik biełaruskaj dziaržavy.
Pavodle słoŭ Łukašenki, Turčynaŭ sam prapanavaŭ adkryta raskazać pra toje, što adbyłosia va Ukrainie «pa chvilinach i pa hadzinach», adkazać na ŭsie pytańni. «I jon mnie vykłaŭ, jak heta było na samaj spravie. Ja nie skažu, što jon mianie pierakanaŭ pa mnohich rečach, ale niekatoryja momanty byli cikavyja», — skazaŭ Alaksandr Łukašenka.
(…)
Pavodle słoŭ kiraŭnika Biełarusi, jon zapeŭniŭ Alaksandra Turčynava ŭ adsutnaści jakoj-niebudź vajennaj pahrozy i ŭ pryvatnaści abvierh čutki ab kancentracyi vojskaŭ na biełaruska-ŭkrainskaj miažy:
«Ja kažu: dobra, ja zaraz Vas viazu i vašych vajskoŭcaŭ u lubuju kropku našaj miažy, i vy pakažacie hetuju kancentracyju vojskaŭ. Alaksandr Turčynaŭ spytaŭ: « Tak, a što, hetaha niama?». ja kažu: nie. I ja Vam klanusia, što hetaha nie budzie, ja jamu pra heta skazaŭ. U hetym niama nijakaj nieabchodnaści. Bolš za toje, nijaki Pucin na vas nie źbirajecca napadać».
«U hetym klučy išli razmovy, kali nie brać niejkuju kankretyku. Heta značyć była vialikaja zakłapočanaść. I potym jon absalutna prafiesijna raspavioŭ, jak jany buduć dziejničać, kali raptam što, jak jany buduć abaraniacca.
Jon mnie raspavioŭ i pakazaŭ usiu dysłakacyju svaich vojskaŭ, — skazaŭ Alaksandr Łukašenka. — Ciapier heta nie navina, jany ŭžo ŭ adkrytuju pra heta kažuć. Jany ŭžo adkryta heta robiać, asabliva na ŭschodnich svaich miežach — na miažy z Rasijskaj Fiederacyjaj».
«Tady heta byli tolki płany, jon mnie pra ich skazaŭ. I vy viedajecie, ja jaho paśla hetaha zapavažaŭ jašče bolš, bo ja baču, što jon adzin da adnaho robić toje, što jon mnie skazaŭ», - adznačyŭ kiraŭnik Biełarusi.
