Prezident ZŠA Barak Abama zajaviŭ, što amierykanskija ŭłady hatovy dać dazvoł na ekspart pryrodnaha hazu ŭ abjomach, nieabchodnych dla štodzionnych patreb Jeŭropy.
Reuters.com
Takuju zajavu jon zrabiŭ u sieradu, 26 sakavika, na pres-kanfierencyi paśla samitu ZŠA — ES u Bruseli.
«My hatovyja dazvolić ekspart pryrodnaha hazu ŭ takich kolkaściach štodnia, u jakich štodnia vykarystoŭvaje jaho Jeŭropa».
Prezident ZŠA taksama zajaviŭ, što ŭzmacnieńnie žorstkaści ekanamičnych sankcyj suprać Rasii — heta «nie toje, što moža zdarycca za adzin dzień». Pavodle jaho słoŭ, amierykanskija ŭłady ŭličvajuć, što hetyja sankcyi mohuć zakranuć niekatoryja jeŭrapiejskija krainy, jakija ŭ bolšaj stupieni zaležać ad rasijskaha hazu.
«Miarkuju, što enierhietyka — heta toje, što my ŭ pieršuju čarhu pavinny razhladać», — skazaŭ Abama.
