Kamandzir 204-j bryhady taktyčnaj avijacyi ŭ Bielbieku Julij Mamčur da hetaha času znachodzicca ŭ pałonie. Pra heta paviedamiła jaho žonka Łarysa Mamčur u efiry «Šuster LIVE».
«Na hety momant nijakich źmienaŭ niama, Julij, jak i raniej, zastajecca pad aryštam. Suviazi ź im taksama niama», — paviedamiła jana.
22 sakavika adbyŭsia šturm avijabazy ŭ Bielbieku, na terytoryju vajskovaj častki prarvalisia pradstaŭniki «samaabarony Kryma».
Brama ŭ častku byli prałomlena z dapamohaj BTRa. Krynicy śćviardžajuć, što padčas šturmu byli čutnyja streły, u šturmie było zadziejničana nie mienš za 6 adzinak BTR-80.
Kamandzira vajskovaj častki Mamčura vykrali rasijskija vajennyja.
Paźniej stała viadoma, što Julij Mamčur aryštavany i dastaŭleny ŭ vajennuju turmu ŭ Sievastopali.
