Rasija rychtujecca pabudavać novy hazapravod u Krym. Pra heta paviedamiŭ hubiernatar Tomskaj vobłaści, eks-kiraŭnik «Hazprom transhaz Krasnadar» Siarhiej Žvačkin.
Pavodle jaho słovaŭ, hazapravod u Krym z Rasii moža być pabudavany pa adnym z dvuch varyjantaŭ.
«Jość stanica Kazačaja, nie dachodziačy ad Anapy, — tam budujecca novaja kampresarnaja stancyja. (Ad jaje — red.) možna iści praz Kierčanski praliŭ i praz Tamań», — raspavioŭ Žvačkin.
Druhi varyjant, pavodle jaho słoŭ, heta hazapravod, jaki praviaduć pa dnie Čornaha mora.
Na dumku Žvačkina, pabudavać hazapravod u Krymie možna za hod-paŭtary.
Razam z tym eks-mieniedžer «Hazproma» nahadaŭ, što Krym zdabyvaje hazu bolš, čym spažyvaje.
«Zdabyča całkam zakryvaje ich patreby. Toje, što pišuć — treba 4,5 miljardy kuboŭ — heta majucca na ŭvazie budučyja elektrastancyi dla hienieracyi mahutnaści», — skazaŭ jon.
«Ja jak techničny inžynier nie baču prablem, skažam, za 10 dzion kinuć kabiel pa dnie Čornaha mora i vyrašyć prablemu enierhietyki praz Kierčanski praliŭ», — adznačyŭ jon.
Jak viadoma, ARK atrymlivaje vadu, elektryčnaść i haz z kantynientalnaj časki Ukrainy.
