Fota Volhi Klaščuk
21 sakavika ŭ Minsku startavała akcyja pad nazvaj «Fatahrafija ź fluarahrafijaj», prymierkavanaja da Suśvietnaha dnia baraćby z suchotami.
U hety dzień pulmaskany «Sanita-star» i «Hipakrat-2», u jakich kožny achvotny moža prajści fluarahrafiju, prybyli da biźnies-centra «Port» (pr-t Niezaležnaści, 177) i pa adrasie: vuł. Cimirazieva, 67.
Biełaruś ŭvachodzić u lik krain z vysokim ciažaram multyrezistentnaha tubierkulozu (MŁU-TB), ustojlivaha da šerahu viadomych lekaŭ.
Adna tracina novych pacyjentaŭ i dźvie traciny tych, chto raniej lačyŭsia, u Biełarusi majuć MŁU-TB — heta najbolš vysoki zarehistravany ŭzrovień u śviecie.
Uśviedamlajučy važnaść prablemy i nieabchodnaść kłopatu ab ludziach, Prahrama raźvićcia AAN pry padtrymcy Ministerstva achovy zdaroŭja i niekatorych biełaruskich kampanij i vyrašyli ŭpieršyniu pravieści sumiesnuju akcyju «Fatahrafija ź fluarahrafijaj».
Akramia prachodžańnia abśledavańnia na pulmaskanie, kožny jaje ŭdzielnik atrymaje siertyfikat, majku, voźmie ŭdzieł u fotasiesii.
24 sakavika pulmaskan «Sanita-star» z 10.00 prymie ŭsich achvotnych pa adrasie: vuł. Sialickaha, 10.
