Niekalki chvilin tamu ŭ «Našu Nivu» patelefanavaŭ Viktar Šaršun, jaki niadaŭna byŭ źbity milicyjaj za bieł-čyrvona-bieły ściah, vyviešany na ŭłasnym bałkonie.
Jon paviedamiŭ, što siońnia ŭviečary znoŭ vyviesiŭ ściah na bałkonie svajoj kvatery. Paśla hetaha jamu ŭ kvateru doŭha hrukalisia milicyjanty, adnak jon vyrašyŭ nie admykać. Tady, pavodle słovaŭ Šaršuna, jaho dačce, jakaja žyvie ŭ inšym miescy, patelefanavali supracoŭniki Centralnaha RUUS i paprasili paŭpłyvać na baćku, inakš ściah z bałkona 3-ha paviercha buduć zdymać z dapamohaj MNS.
I voś tolki što na bałkon da Šaršuna zalez nieviadomy ŭ cyvilnym, jaki źniaŭ ściah i pahrukaŭsia ŭ bałkonnyja dźviery. Ale haspadar nie adamknuŭ, i nieviadomy źnik tym ža šlacham, što i źjaviŭsia, raskazaŭ Viktar Šaršun.
