Pra heta paviedamiŭ ministr transpartu i kamunikacyj Biełarusi Anatol Sivak.
«Prajekt pa stvareńni čyhunačnaha złučeńnia z Nacyjanalnym aeraportam Minsk raspracavany, kancepcyja ŭzhodniena va ŭradzie. Praca viadziecca, i my pastavili sabie zadaču zakryć heta pytańnie 7 listapada», — skazaŭ ministr.
Śpiecyjalisty Ministerstva transpartu i kamunikacyj ŭdakładnili, što na pieršym etapie budzie arhanizavany ruch pa najaŭnaj čyhunačnaj linii na sučasnych dyziel-ciahnikach. Isnujučy čyhunačny šlach budzie padoŭžany amal da samaha aeraporta.
Pazastałyja 550 m da aeraporta pasažyry zmohuć pieraadoleć na śpiecyjalizavanych aŭtobusach ź nizkaj padłohaj abo pry dapamozie travałatara (biesstupieńkavaja darožka).
Paśla realizacyi pieršaha etapu prajekta dastaŭlać pasažyraŭ i absłuhoŭvajučy piersanał u Nacyjanalny aeraport Minsk miarkujecca ź Minska, Barysava i Smalavičaŭ. Paśla płanujecca pabudavać źjezd ź ciapierašnich čyhunačnych šlachoŭ i elektryfikacyja ŭsiaho ŭčastka da aeraporta.