Za apošnija 10 hadoŭ u pieraliku na 100 tysiač nasielnictva ŭ Biełarusi ŭ 7 siem razoŭ pavialičyłasia kolkaść narkazaležnych, paviedamlaje hazieta MUS «Na stražie».
Siońnia na ŭliku znachodziacca zvyš za 16 tysiač čałaviek, jašče niekalki tysiač adbyvajuć pakarańnie ŭ miescach pazbaŭleńnia voli i prachodziać lačeńnie ananimna.
Paviedamlajecca, što bolšaść zarehistravanych u krainie narkamanaŭ — va ŭzroście 20—40 hadoŭ.
Adnak u apošni čas u 14,5 razy pavialičyłasia kolkaść pacyjentaŭ narkadyspansieraŭ, maładziejšych za 15 hadoŭ.
Zarehistravany vypadki, kali ŭ dapamozie śpiecyjalistaŭ mieli patrebu navat vaśmihadovyja dzieci.
Pavodle źviestak centra manitorynhu za narkotykami i narkaspažyvańniem, najbolšaja kolkaść zaležnych ad psichaaktyŭnych rečyvaŭ zarehistravana ŭ Minsku (u 1,5 razy vyšej za siaredni pa krainie pakazčyk) i Homielskaj vobłaści (kala 17% usich vypadkaŭ narkamanii), najmienšaja — u Mahiloŭskaj.
Siarod haradoŭ z samaj napružanaj situacyjaj — Salihorsk (amal kožny druhi narkaspažyviec tut VIČ-infikavany), Pinsk, Śvietłahorsk, Vaŭkavysk i Žłobin.
