Situacyja z pastaŭkami ŭ Rasiju małočnaj pradukcyi ź Biełarusi abmiarkoŭvałasia 6 lutaha ŭ rasijskim uradzie na sielektarnaj naradzie pa raźvićci sielskaj haspadarki.
A. Družynin, ria.ru
Vice-premjer RF Arkadź Dvarkovič prapanavaŭ inicyjavać antydempinhavaje rasśledavańnie na rynku małočnaj pradukcyi ŭ dačynieńni da krain Jeŭropy i Biełarusi.
«My pavinny budziem u chutkim časie ŭ dačynieńni da małočnaj pradukcyi inicyjavać antydempinhavaje rasśledavańnie ŭ dačynieńni, pierš za ŭsio, da jeŭrapiejskich krain: subsidyi tam zvyšvysokija, i heta ŭžo nanosić uron našaj halinie. Ale prablemy i ź Biełaruśsiu».
Kiraŭnik urada Dźmitryj Miadźviedzieŭ u adkaz zajaviŭ, što Rasii «treba navučycca karystacca ŭsim hetym arsienałam». «Treba aktyŭnuju pazicyju zajmać.
Što da Biełarusi, situacyja pavinna być prazrystaja i simietryčnaja, tamu što ŭ nas ź imi praktyčna ahulny rynak, adzinaja mytnaja prastora, ale kali siudy prychodziać biełaruskija vytvorcy, to i my pavinny mieć mahčymaść tudy prychodzić», — skazaŭ Miadźviedzieŭ.
Jak paviedamlałasia raniej, Arkadź Dvarkovič, vystupajučy 5 lutaha na źjeździe Nacyjanalnaha sajuza vytvorcaŭ małaka ŭ Maskvie, zajaviŭ, što Rasija moža ŭvieści peŭnyja miery ŭ dačynieńni da biełaruskaj małočnaj pradukcyi dla abarony rynku ad niadobrasumlennaj kankurencyi. Pry hetym jon zaznačyŭ: miery buduć skiravanyja abo naŭprost na małočnuju pradukcyju, abo pa inšych kirunkach supracoŭnictva.
Varta zaznačyć, što minułaj vosieńniu Rasspažyŭnahlad i Raśsielhasnahlad zajaŭlali ab pretenzijach da jakaści biełaruskaj małočnaj pradukcyi.