autosport.by
Spartyŭnyja hruzaviki, što vypuskajucca adzinkami na Minskim aŭtazavodzie dla rali-rejdaŭ, ciapier dastupnyja pakupnikam. Pryblizny košt novaha sportkara dla zakazčyka składaje 250—300 tys. jeŭra ŭ zaležnaści ad kamplektacyi.
«Spartyŭny hruzavik moža być sabrany dla luboha zakazčyka, zychodziačy ź jaho pieravah. Pry supastaŭnych charaktarystykach košt honačnaha aŭtamabila MAZ u 2-3 razy nižejšy ŭ paraŭnańni sa spartyŭnym hruzavikom rasijskaj vytvorčaści. Pry hetym cana aŭtamabila budzie zaležyć ad tych paramietraŭ, jakija žadaje atrymać zakazčyk», — adznačyŭ kuratar «MAZ-SPORTaŭta», namieśnik kamiercyjnaha dyrektara AAT «MAZ» Dźmitryj Karatkievič.
U apošniaj viersii hruzavikoŭ, jakija ciapier vykarystoŭvajucca kamandaj na «Dakary», inžyniery pamienšyli vahu kanstrukcyj, prymianiŭšy elemienty z vysokatryvałaj stali i lohkich kampazitnych materyjałaŭ. Taksama była pavialičana mahutnaść ruchavika.
Jak śćviardžajuć śpiecyjalisty pradpryjemstva, pa svaich techničnych charaktarystykach spartyŭnyja hruzaviki MAZ nie sastupajuć aŭtamabilam rasijskaj kamandy «KAMAZ-Majstar», jakaja maje biez małoha 25-hadovy vopyt udziełu ŭ «Dakary».
