Biełaruski vielmi ŭdała praviali indyvidualnuju honku. Domračava stała druhoj, niahledziačy na 2 štrafnyja chviliny.
Biełaruska lidziravała ciaham amal usioj honki, čysta adstralałasia na troch pieršych rubiažach. Ale na vyrašalnym etapie bijatłanistka dvojčy pramachnułasia i sastupiła ŭ vynikovym pratakole kala 34 siekundaŭ češcy Daniele Sukałavaj, jakaja, darečy, nie zakryła tolki adnu mišeń.
Treciaj finišavała jašče adna pradstaŭnica Čechii Vieranika Vitkava. Jana čysta adstralałasia na ŭsich rubiažach, ale prajhrała Domračavaj 4 siekundy.
Nadzieja Skardzina ŭdała adstralałasia i vybiła 20 z 20 i zaniała vysokaje 7-je miesca, Nadzieja Pisarava z dvuma promachami — 47-ja. Nastaśsia Dubarezava nie zakryła 5 mišeniaŭ, u jaje tolki 68-y radok. A Nastaśsia Kalina na start tak i nie vyjšła.
