Alaksandr Łukašenka pryznačyŭ Vasila Dziemidoviča namieśnikam staršyni Viarchoŭnaha suda i vyzvaliŭ jaho ad pasady pieršaha namieśnika staršyni Vyšejšaha haspadarčaha suda.
Raniej, 14 červienia, Łukašenka vyzvaliŭ Viktara Kamiankova ad pasady staršyni i sudździ Vyšejšaha haspadarčaha suda, jaki ŭznačalvaŭ VHS z kastryčnika 2001 hoda.
Nahadajem, u adpaviednaści z dekretam № 6 i šeraham ukazaŭ prezidenta 1 studzienia 2014 hoda ahulnyja i haspadarčyja sudy abjadnoŭvajucca ŭ adzinuju sistemu sudoŭ ahulnaj jurysdykcyi. Uznačalić hetuju sistemu adziny vyšejšy sudovy orhan pa hramadzianskich, kryminalnych, administracyjnych i ekanamičnych spravach — Viarchoŭny sud. Pry hetym haspadarčyja sudy abłaściej i Minska buduć pierajmienavanyja ŭ ekanamičnyja i praciahnuć svajo funkcyjanavańnie jak sudy adpaviednaj śpiecyjalizacyi.