17 vieraśnia byli ŭniesienyja źmieny va ŭkaz kiraŭnika Biełarusi ad 23 krasavika 2003 hoda № 165. Jany nabyvajuć moc z dnia padpisańnia ŭkazu.
Zhodna ź imi, šerah zon adpačynku mianiajuć miežy. Ź ich vydzialajucca ŭčastki pad šmatfunkcyjanalnyja zabudovy.
U pryvatnaści, heta niekalki ŭčastkaŭ na praśpiekcie Pieramožcaŭ, rajon vulic Uljanaŭskaj — Lenina — Kastryčnickaj. Šmatkvaternyja damy zapłanavana pabudavać u rekreacyjnych zonach u miežach vulic Karžanieŭskaha — Kazinca — Bresckaj i Majakoŭskaha — Aranžarejnaj — Łuhavoj — zav. Palavoha.
U ramkach vulic Daŭhinaŭski trakt — Kalcavaja aŭtadaroha vakoł Minska płanujecca addać pad žyłuju siadzibnuju zabudovu.
Pad zabudovu addajecca navat kavałak zony adpačynku ŭ rajonie aficyjnaj rezidencyi Alaksandra Łukašenki «Drazdy».
Tam ziamielny ŭčastak płoščaj 5,2 ha addajuć pad zonu źmiašanaj prastoravaj zabudovy.