Parłamient Uhandy pryniaŭ sprečny zakon, jaki zabaraniaje publičnyja demanstracyi. Zakon byŭ pryniaty, niahledziačy na žorstkuju krytyku z boku pravaabaroncaŭ, relihijnych lidaraŭ, deputataŭ ad apazicyi i hramadskaści.
Krytyki novaha zakona kažuć pra toje, što kiroŭnaja partyja prezidenta Joviery Musavieni sprabuje zdušyć inšadumstva.
Pavodle novaha zakona, navat niekalki čałaviek, jakija źbirajucca ŭ siabie doma, kab abmierkavać palityčnyja prablemy, pavinny atrymać dazvoł palicyi.
Pravaabarončaja arhanizacyja Amnesty International ličyć zakon surjoznym udaram pa adkrytaj palityčnaj palemicy ŭ krainie.
Joviery Musavieni pryjšoŭ da ŭłady ŭ 1986, zrynuŭšy tahačasnaha dyktatara Miłtana Abote.
Pieršapačatkova Musavieni ličyŭsia adnym z «novych» lidaraŭ u Afrycy, jakija nakiroŭvajuć svaje krainy pa šlachu raźvićcia i demakratyi.
Prychilnaść Musavieni pryncypam demakratyi stavicca pad pytańnie mnohimi zachodnimi krainami.