Incydent adbyŭsia ŭviečary 3 žniŭnia, piša Intex-press. Učastkovaha inśpiektara vyklikali na siamiejny skandał u viosku Moŭčadź. Padjazdžajučy da zhadanaha doma, jon zaŭvažyŭ maładoha mužčynu, jaki biehaŭ pa dvary i maciukaŭsia.
Milicyjant spyniŭsia, vyjšaŭ z mašyny i pačaŭ razmaŭlać z debašyram, sprabujučy jaho supakoić. Zdavałasia, jamu heta ŭdałosia. Adnak tut ad susiedki vyjšła žonka viaskoŭca, i jon tut ža kinuŭsia da jaje z kułakami.
Učastkovy ŭstaŭ na abaronu žančyny, i tady raźjušany muž staŭ źbivać milicyjanta.
«Jon nanios supracoŭniku milicyi nie mienš za vosiem udaraŭ kułakami pa hałavie, a potym uciok. Jaho miescaznachodžańnie pakul nie ŭstanoŭlena, ale heta ŭsiaho tolki sprava času», — paviedamili ŭ Baranavickim mižrajonnym adździele Śledčaha kamiteta.
Na žychara Moŭčadzi 5 žniŭnia zaviali kryminalnuju spravu za supraciŭ supracoŭniku milicyi. Jamu moža pahražać da piaci hadoŭ pazbaŭleńnia voli.