Nahadajem, što ŭčora pravaabaroncy začynienaha ŭładami centra «Viasna» Taćciana Raviaka i Uładzimir Łabkovič byli zatrymanyja kala minskaha CUMa, kali razdavali paštoŭki ŭ padtrymku asudžany na 4,5 hoda lidara PC «Viasna» Alesia Bialackaha (4 žniŭnia spoŭniłasia dva hady z momantu jaho aryštu).
Raviaku i Łabkoviča abvinavacili ŭ parušeńni paradku arhanizacyi i praviadzieńnia masavych mierapryjemstvaŭ (art 23.34 KoAP RB), ale adpuścili ŭčora dla vypraŭleńnia pratakołaŭ.
Siońnia prachodziać administracyjnyja sudy. Łabkoviča sudziŭ Dźmitryj Paŭlučenka.U. Łabkovič aštrafavany na 30 bazavych vieličyniaŭ (3 młn rubloŭ), jaho pryznali vinavatym u parušeńni č. 1. art. 23.34. Dziejańni Łabkoviča sudździa acharaktaryzavaŭ jak pikietavańnie šlacham razdačy paštovak, što jość vykazvańnie hramadzianskaj pazicyi.
Zatym była razhledžana sprava Taćciany Raviaki (sudździa -- Maryna Fiodarava). Sp. Raviaku taksama aštrafavali na 30 bazavych vieličyniaŭ (3 młn rubloŭ).
0
0
0
0
0
0
