Čaćviorty kłas pažarnaj niebiaśpieki z mahčymych piaci uviedzieny ŭ lasach pa bolšaj častcy Homielskaj i Mahiloŭskaj, pa ŭschodzie Minskaj i Viciebskaj abłaściej.Abviaščeńnie vysokaha kłasa niebiaśpieki źviazana z ustalavańniem u apošnija dni na hetych terytoryjach vielmi ciopłaha i suchoha nadvorja.
Kamientujučy situacyju, u Ministerstvie lasnoj haspadarki Biełarusi adznačyli, što ŭ suviazi z uskładnieńniem umoŭ nadvorja lasnaja achova na ŭschodnich terytoryjach pieraviedziena na ŭzmocnieny režym pracy.
Va ŭsich abłasnych abjadnańniach i ŭstanovach viedamstva arhanizavany śpiecyjalnyja dziažurstvy. Źmieny pažarnaj situacyi ŭ lasach adsočvajucca z pažarna-naziralnych vyšak, a taksama z dapamohaj kamier videanazirańnia, jakija dazvalajuć utrymlivać pad kantrolem bolš za 75% lasnoj terytoryi kožnaj vobłaści. Akramia taho, z dapamohaj avijacyi robiacca štodzionnyja abloty terytoryj.
0
0
0
0
0
0
