Papa Francišak vykazaŭ svaju simpatyju tym, «chto pakutuje» ŭ Biełarusi 9

21 červienia Apostalski Nuncyj u Biełarusi arcybiskup Kłaŭdya Hudžeroci atrymaŭ aŭdyjencyju ŭ Jaho Śviataści papy Franciška.

Raniej mahčymaść sustrecca z Papam mieŭ taksama sakratar Apostalskaj Nuncyjatury mansińjor Filipa Čampaneli.

Apostalski Nuncyj pieradaŭ Papu pryvitańni ad kiraŭnictva Biełarusi i biełaruskaha naroda.

Papa Francišak vyjaviŭ hłybokija i aktualnyja viedy adnosna relihijnaj, palityčnaj, kulturnaj i sacyjalnaj situacyi ŭ Biełarusi.

Pantyfik paprasiŭ pieradać jaho salidarnaść i vialikuju simpatyju da Biełarusi, asabliva da tych, chto pakutuje, a taksama vykazaŭ nadzieju na toje, što z dapamohaj Śviatoha Pasadu adnosiny krainy z Zachadam buduć palapšacca šlacham pavahi, dyjałoha i ŭzajemarazumieńnia.

Papa zaznačyŭ, što vielmi rady vykazać svaju salidarnaść ź Biełaruśsiu praz žest asablivaj uvahi, jakoha vielmi prahnuŭ: blizki vizit Jaho Eminencyi kardynała Žana-Łui Tarana, jakoha Śviaty Ajciec pažadaŭ pryznačyć svaim Nadzvyčajnym Pasłańnikam na jubilejnyja ŭračystaści ŭ Budsłavie. Pantyfik paabiacaŭ, što budzie malicca ab paśpiachovym vykanańni misii kardynała. Jaho Śviataść daŭ svajo błahasłaŭleńnie darahim katolikam Biełarusi, jakich jon viedaje jak addanych, viernych i poŭnych entuzijazmu dziaciej Katalickaha Kaścioła, paśla vialikich vyprabavańniaŭ minuŭščyny.

Papa paprasiŭ taksama pieradać pryvitańni ŭsim biełarusam, a asabliva bratam Pravasłaŭnaj Carkvy.

Na aŭdyjencyi prysutničaŭ i Jaho Eminencyja kardynał Tarčyzia Bertone, dziaržaŭny sakratar, jaki ŭzhadaŭ pra svoj vizit u Biełaruś i paćvierdziŭ liniju Śviatoha Pasadu, jakaja była prademanstravana padčas vizitu.

24 červienia arcybiskup Kłaŭdya Hudžeroci sustreŭsia z kardynałam Taranam, ź jakim doŭha razmaŭlaŭ pra Biełaruś i abmiarkoŭvaŭ detali jaho vizitu ŭ krainu. Ad imia biełarusaŭ Apostalski Nuncyj pavinšavaŭ kardynała ź imianinami.

catholic.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH