Univiersam «Talin» stanie «Jeŭraoptam». Były dyrektar: adbyŭsia rejderski zachop 22

Z 1 lipienia staličny ŭniviersam «Talin» na zachadzie horada stanie «Jeŭraoptam».

Heta budzie 142-ja krama sietki ŭ krainie. U Minsku ž kolkaść «Jeŭraoptaŭ» dasiahnie troch dziasiatkaŭ.

Źmiena nazvy kramy adbyłasia sa skandałam. Były dyrektar ZAT «Mahazin Talin» Viktar Januškoŭ zajaviŭ, što adbyŭsia rejdarski zachop.

«Niezakonna zachoplenyja akcyi mahazina, zvolnieny kirujučy skład i šerah klučavych supracoŭnikaŭ, šlacham pahroz i niepravamiernych dziejańniaŭ, a taksama biez zhody akcyjanieraŭ pravodzicca niezakonnaja rearhanizacyja pradpryjemstva i zdača ŭnajom trecim asobam», — cytuje Januškova BiełaPAN.

Jon zaznačyŭ, što jašče da maja byŭ dyrektaram pradpryjemstva, adnak «u mai, kali znachodziŭsia na balničnym, uzłamvajucca dźviery, pierakidvajuć usiu dakumientacyju», paśla čaho, pavodle słoŭ Januškova, padpryjemstvam stali kiravać inšyja ludzi.

* * *

Univiersam «Talin» byŭ zasnavany ŭ 1982 hodzie. Jon znachodzicca pa adrasie h. Minsk, vuł. Burdziejnaha, d. 11 (mikrarajon Zachad-2). Pavodle źviestak byłoha kiraŭnictva, kolkaść pracoŭnaha kalektyvu handlovaha pradpryjemstva składaje 250 čałaviek, štomiesiačny tavaraabarot — 14 młrd. rubloŭ.

JAM, pavodle BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH