Kamitety dziaržbiaśpieki i dziaržkantrolu vyjavili złačynnuju hrupy, jakaja z vykarystańniem «cieniavych» schiem zavoziła ź Jeŭropy mikraaŭtobusy i zapčastki, paviedamlaje sajt KDB.
Kiravaŭ hrupaj minčuk, jaki arhanizavaŭ funkcyjanavańnie šerahu kamiercyjnych pradpryjemstvaŭ, u tym liku za miežami krainy. Atrymanyja ad prodažu zaviezienaha tavaru hrošy ŭklučalisia ŭ abarot u śfiery niezakonnych finansavych apieracyj. Havorycca ŭ paviedamleńni.
Padčas ahladu pamiaškańniaŭ, jakija naležać kamiercyjnym strukturam, čyja dziejnaść kantralavałasia nazvanaj asobaj, vyjaŭlenyja i kanfiskavanyja niezakonna vyviedzienyja z abarotu najaŭnyja finansavyja srodki ŭ pamiery kala Br3 młrd i zvyš $500 tys., nakładzieny aryšt na bolš čym 60 faktyčna novych mikraaŭtobusaŭ zamiežnaj vytvorčaści.
Arhanizatar hrupoŭki vałodaŭ darahoj nieruchomaściu ŭ adnoj z krain Aravijskaha paŭvostrava, a taksama bujnymi rachunkami ŭ zamiežnych bankach.
KDB raspačaŭ kryminalnuju spravu pa art.243 KK (uchileńnie ad vypłaty sum padatkaŭ, zboraŭ). Arhanizatar hrupy zatrymany.
Adpracoŭvajucca viersii ab datyčnaści da funkcyjanavańnia złačynnaj schiemy słužbovych asob orhanaŭ dziaržaŭnaha kiravańnia Biełarusi.
