Ministr sportu Rasii Vitalij Mutko ličyć ekanamična niavyhadnym i marnym dla sportu stvareńnie abjadnanaha futbolnaha čempijanatu Rasii i Ukrainy.
— Padmanlivaja meta, ničym nie paćvierdžanaja jak sa spartyŭnaha, tak i z ekanamičnaha punktu hledžańnia, — pryvodzić «Interfaks» słovy Mutko. — Srodki, jakija płanujecca ŭkłaści ŭ rasijska-ŭkrainski čempijanat, nie akupiacca i na 15 adsotkaŭ.
Raniej dyrektar arhanizacyi «Abjadnany čempijanat pa futbole» Valeryj Hazajeŭ paviedamiŭ, što biudžet rasijska-ŭkrainskaj lihi płanujecca ŭstanavić na ŭzroŭni 1 miljarda jeŭra. Aŭtanomnaja niekamiercyjnaja arhanizacyja «Abjadnany čempijanat pa futbole» była ŭtvorana 26 śniežnia 2012 pa inicyjatyvie šerahu kłubaŭ rasijskaj prem'jer-lihi. 18 lutaha ŭ Maskvie adbyłosia pasiadžeńnie arhanizacyi, na jakim była ahučana kancepcyja prapanavanaha turniru.
Płanujecca, što ŭpieršyniu abjadnany čempijanat projdzie ŭ siezonie-2014/15, u im voźmuć udzieł 18 kamand — pa 9 najmacniejšych kłubaŭ ad Rasii i Ukrainy pa vynikach nacyjanalnych čempijanataŭ-2013/14 [Biełaruś u čempijanat pakul nie klikali — NN].
Sport-Ekspriess
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
