Na Homielščynie zahareŭsia ciepłavoz 1

Nadzvyčajnaje zdareńnie adbyłosia 22 lutaha kala 3 hadzin nočy na pierahonie Kozienki-Mazyr. Jak miarkujuć u MNS, uzharańnie ŭ matornym adsieku ciepłavoza adbyłosia z-za zamykańnia elektrapravodki ruchavika.

Ciepłavoz zahareŭsia prosta padčas ruchu, z 15 pustymi cysternami jon ruchaŭsia pa maršrucie sa stancyi Kalinkavičy da stancyi Barbaroŭ.

U MNS adznačyli zładžanuju pracu mašynistaŭ i rabotnikaŭ čyhunki, jakija śpiešna adčapili ad pałajučaha łakamatyva pustyja cysterny, a da miesca zdareńnia byŭ nakiravany reziervovy ciepłavoz. Jon padčapiŭ padpaleny łakamatyŭ i davioz jaho da pierajezdu Prudok-Mazyr, dzie ŭžo znachodziłasia padraździaleńnie MNS, jakoje chutka spraviłasia z ahniom.

Nichto nie paciarpieŭ. Pažar paškodziŭ matorny adsiek i elektrapravodku ruchavika,

ale, jak adznačyli ŭ MNS, kali b nie svoječasovyja i skaardynavanyja dziejańni pracaŭnikoŭ čyhunki i pažarnych, ciepłavoz i zusim zhareŭ by. Udałosia navat nie dapuścić zatrymki ciahnikoŭ.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH