Prafiesar Julijuš Bardach (1914–2010) — vybitny polski i litoŭski historyk, adzin z samych viadomych daśledčykaŭ historyi Vialikaha Kniastva Litoŭskaha z asablivaj uvahaj na historyju palityčnaha ładu i palityčnaj dumki. Aktyŭny prychilnik zachavańnia dobrych navukovych stasunkaŭ na abšary byłoj Rečy Paspalitaj (Polšča, Litva, Biełaruś, Ukraina). Pačaŭšy z vydatnaha startu va Univiersitecie Stefana Batoryja ŭ Vilni, dzie jon padrychtavaŭ i ŭ 1938 hodzie apublikavaŭ pracu ab pryniaćci zakanadaŭstva VKŁ u
Vybitnaja pracaj Ju. Bardacha — padrychtavanaja pad jaho ahulnaj redakcyjaj piacitomnaja «Historyja dziaržavy i prava Polščy». Daśledčyki historyi Litvy dahetul nie abychodziacca biez takich prac Julijuša Bardacha, jak «Pra daŭniuju i niadaŭniuju Litvu» ci «Litoŭskija statuty i rymskaje prava».
Biblijahrafija publikacyj Ju. Bardacha achoplivaje bolš za 600 najmieńniaŭ, siarod ich, akramia niekalki knih, sotni daśledavańniaŭ i navukovych artykułaŭ, u tym liku i na zamiežnych movach. Ju. Bardach adyhryvaŭ asabliva važnuju rolu ŭ šmatlikich navukovych instytucyjach, mižnarodnych arhanizacyjach i abjadnańniach. Byŭ siabram adnoj z najstarejšych akademij ŭ śviecie — Nacyjanalnaj akademii Linčei ŭ Rymie (1974), Mižmorskaj akademii navuk u Katańni (1982) i inš.
Pazicyja i navukovy aŭtarytet Ju. Bardacha ŭ krainie i za miažoj vyznačajecca taksama atrymanymi im ajčynnymi i zamiežnymi navukovymi ŭznaharodami. Asablivaje miesca tut zajmajuć hanarovyja doktarskija stupieni: Łodzinskaha ŭniviersiteta (1995), Varšaŭskaha ŭniviersiteta (1996), Vilenskaha ŭniviersiteta (1997), adnaŭleńnie doktarskaj stupieni ŭ Jahiełonskim univiersitecie (na
Praviły
Premija Ju. Bardacha, zasnavanaja Instytutam Vialikaha Kniastva Litoŭskaha (dalej — Premija) budzie prysudžacca za doktarskija abo mahistarskija (ci ekvivalentnyja) pracy, pryśviečanyja idejam i historyi VKŁ.
1. Premija nakiravanaja na zaachvočvańnie daśledavańniaŭ pa spadčynie VKŁ, jaho dziaržaŭnaj, pravavoj i kulturnaj tradycyi.
2. Pryjarytet budzie addavacca daśledavańniam, jakija datyčać dziaržaŭnaj, pravavoj i kulturnaj tradycyj VKŁ, prajavaŭ idei VKŁ u XIX i XX st., a taksama temaŭ, pryśviečanym historyi prynamsi adnoj dziaržavy z abšaru byłoha VKŁ — Litvy, Polščy, Biełarusi, Ukrainy.
3. Paviedamlajem, što pracy dla Premii mohuć achoplivać roznyja śfiery humanitarnych navuk: historyi, palitałohii, historyi mastactvaŭ, fiłałohii, sacyjałohii, historyi prava i palityčnaha ładu, hieahrafii.
4. Premija moža być prysudžanaja hramadzianinu luboj krainy, jaki pradstavić doktarskuju abo mahistarskuju pracu (jak paviedamlałasia, mohuć być i inšyja ekvivalentnyja dypłomnyja pracy).
Apošni termin padačy pracaŭ — 30 vieraśnia 2013 h.
5. Da pieršaj Premii mohuć być pradstaŭlenyja pracy, napisanyja ŭ pieryjad z
6. Pracy na Premiju mohuć być padadzienyja samim kandydatam abo ŭstanovaj (kafiedra, fakultet, navukovy centr i inš.) paśla atrymańnia zhody kandydata.
7. Pracy mohuć być napisanyja na litoŭskaj, polskaj, biełaruskaj, ukrainskaj, rasijskaj abo anhlijskaj movie.
8. Apošni termin pradstaŭleńnia prac — 30 vieraśnia kožnaha hoda. Elektronnaja viersija pracy, mierkavańnie zajaŭnika (dla doktarskich i mahistarskich prac) i recenzienta (tolki dla mahistarskich prac) treba nakiroŭvać na adras: [email protected].
9. Pieramožcaŭ — pieršaje, druhoje i treciaje miesca — abiare navukovaja kamisija, pryznačanaja instytutam VKŁ.
10. Cyrymonija ŭznaharodžańnia budzie prachodzić u Koŭnie ŭ lutym kožnaha hoda.
11. Dadatkovuju infarmacyju hladzicie na sajcie Instytuta VKŁ (www.ivkl.lt) albo źviartajciesia pa telefonie 370 686 31146 i na mejł [email protected] (Ruścis Kamuntavičus).