Alaksandr Łukašenka, jaki znachodzicca z rabočym vizitam u Rasijskaj Fiederacyi, aznajomiŭsia ź pierśpiektyvami zaviaršeńnia budaŭnictva abjektaŭ infrastruktury sanatoryja «Biełaruś» u Sočy i kompleksu adpačynku hetaha sanatoryja ŭ pasiołku Krasnaja Palana, paviedamili ŭpres-słužbie .
Kiraŭnik spravami prezidenta Viktar Šejman prainfarmavaŭ Łukašenku ab tym, što płanujecca zrabić na hetych abjektach, kab jany maksimalna prynosili prybytak dziaržavie.
«Pytańnie adno: nam treba skončyć pačatuju spravu, skončyć usie hetyja budoŭli. Treba zrabić usio, kab sanatoryj u Sočy pryvieści ŭ paradak», — skazaŭ Łukašenka.
«Što tyčycca Krasnaj Palany, to času ŭ nas na raskačku praktyčna niama. U pryncypie, zadača była pastaŭlena daŭno, i vy pavinny byli dumać, što tut zrabić takim čynam, kab hety abjekt prynosiŭ hrošy.Ale samyja vialikija hrošy — heta Alimpijskija hulni, jakija buduć prachodzić tut roŭna praz hod», — adznačyŭ jon.
Łukašenka kanstatavaŭ, što ŭžo siońnia biełaruskija abjekty prynosiać niadrenny prybytak, haścinica raźmieščana ŭ idealnym miescy i karystajecca vialikim popytam. «Ale pałova toj ziamli, jakuju rasiejcy adviali nam tut dla budaŭnictva, jašče volnaja. Tamu treba padumać, što my tut budziem rabić. Terytoryja tut — a heta lepšaje ŭ Krasnaj Palanie — pavinna być