Rasijskaje AAT «Kandytarski kancern Babajeŭski» prypyniła pastaŭki pradukcyi ŭ Biełaruś, paviedamili 15 lutaha ŭ Biełaruskim dziaržaŭnym instytucie mietrałohii (BiełDIM).
Dniami z paviedamleńnia na sajcie Ministerstva handlu stała viadoma ab prypynieńni z 8 studzienia dziejańnia dvuch siertyfikataŭ adpaviednaści na kandytarskija vyraby, što vypuskajucca AAT «Kandytarski kancern Babajeŭski». U jakaści padstavy nazyvałasia «nievykanańnie ŭmoŭ pahadnieńnia pa siertyfikacyi i časovaje spynieńnie pastavak pradukcyi».
«Abodva siertyfikaty byli prypynieny ŭ studzieni z pryčyny taho, što kancern admoviŭsia ad praviadzieńnia płanavaha inśpiekcyjnaha kantrolu, bo nie było ŭ apošni čas pastavak pradukcyi, na jakuju raspaŭsiudžvajucca siertyfikaty», — adznačyli ŭ BiełDIM.
U AAT «Kandytarski kancern «Babajeŭski» kamientaraŭ atrymać pakul nie ŭdałosia.
AAT «Kandytarski kancern «Babajeŭski» — najstarejšaje kandytarskaje pradpryjemstva Rasii, jakoje ŭvachodzić u chołdynh «Abjadnanyja kandytary», što składajecca z 19 pradpryjemstvaŭ. Pradstaŭniki kancerna nieadnarazova zajaŭlali ab svaich intaresach u inviestavańni ŭ kandytarskuju fabryku «Kamunarka», jakaja ŭ 2012 hodzie była nacyjanalizavanaja razam z AAT «Spartak».
