Z nastupnaha tydnia hryp i VRI pojdzie na spad

Hałoŭny dziaržaŭny sanitarny doktar Ihar Hajeŭski zajaviŭ pra stabilizacyju situacyi z zachvorvańniem na vostryja reśpiratornyja infiekcyi ŭ Biełarusi. Pra heta jon paviedamiŭ 13 lutaha na pres-kanfierencyi ŭ Minsku.

Pavodle jaho słoŭ, pačynajučy z čaćviortaha tydnia hetaha hoda adznačajecca niekatory ŭzdym siezonnaha zachvorvańnia, «pryčym nie na hryp, a na hrupu vostrych reśpiratornych virusnych infiekcyj». «Na siońnia my adznačajem stabilizacyju situacyi. U šerahu rehijonaŭ Hrodzienskaj i Bresckaj abłaściej zachvorvańnie zachoŭvajecca. Dumaju, što z nastupnaha tydnia ŭzdym, jaki my fiksujem, pastupova pačnie źnižacca da normy», — skazaŭ Hajeŭski. Jon zajaviŭ, što sioleta pakul nie zaŭvažaŭ niejkich asablivaściaŭ praciakańnia pieryjadu ŭzdymu zachvorvańnia na VRI.

Siarod zachvarełych na siońnia prykładna 60% dziaciej i 40% darosłych. Na karancin zakryta siem škoł; było vosiem, ale adna adkryłasia ŭ pačatku tydnia.

Virusy hrypu składajuć ad 5% da 30% u struktury zachvorvańnia na VRI. «Havaryć ab epidemii hrypu nie davodzicca», — śćviardžaje jon.

Vykanaŭca abaviazkaŭ namieśnika dyrektara pa navukovaj rabocie Respublikanskaha navukova-praktyčnaha centra epidemijałohii i mikrabijałohii Alaksandr Piatkievič adznačyŭ, što najbolš raspaŭsiudžanym z cyrkulujučych virusaŭ hrypu źjaŭlajecca na siońnia A (H1N1), jaki vyklikaŭ pandemiju ŭ 2009 hodzie, zatym A (H3N2) i hryp B. Pavodle słoŭ Piatkieviča, u inšych krainach raźmierkavańnie virusaŭ inšaje. Tak, u ZŠA, dzie sioleta adznačajecca epidemija hrypu, najbolš raspaŭsiudžany virus A (H3N2).

Hajeŭski pierakanany, što «ničoha ekstraardynarnaha, vielmi niestandartnaha, taho, što moža vyklikać niejkuju destabilizacyju, u krainie nie adbyvajecca».

Ministerstva achovy zdaroŭja svoječasova pryniała ŭsie previentyŭnyja miery: byŭ praciahnuty režym pracy paliklinik, arhanizavana dziažurstva ŭračoŭ u paliklinikach u niadzielu, da pracy z pacyjentami pryciahvalisia ŭračy-interny, kab razhruzić učastkovych terapieŭtaŭ. «Dastupnaść palikliničnaj dapamohi była zabiaśpiečanaja ŭ poŭnym maštabie i poŭnym abjomie», — padkreśliŭ Hajeŭski.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH