Andrej Hajdukoŭ znachodzicca pad vartaj u śledčym izalatary Kamiteta dziaržbiaśpieki ŭžo try miesiacy.
Niahledziačy na toje, što ni rodnych, ni abaroncu nie prainfarmavali ab padaŭžeńni terminu śledstva, aryštavany zastaŭsia ŭ izalatary KDB jašče na miesiac.
- Advakat papiaredžvaŭ mianie, što syna pakinuć u śledčym izalatary da sakavika, - kaža Volha Hajdukova, maci palitviaźnia. - Ale jamu nie paviedamlali ab tym, što termin utrymańnia pad vartaj padoŭžyli jašče na miesiac.
Žančyna miarkuje, što jejny syn znachodzicca pad śledstvam praz svaju apazicyjnuju dziejnaść.
- Ale ŭsio ž ja spadziajusia na lepšaje. Na toje, što siarod ludziej u pahonach jość hodnyja i spraviadlivyja ludzi, i majho syna adpuściać, -padsumoŭvaje jana.
23-hadovy aparatčyk navapołackaha pradpryjemstva «Naftan», namieśnik staršyni niezarehistravanaha Źviazu maładych intelektuałaŭ Andrej Hajdukoŭ byŭ zatrymany supracoŭnikami KDB u Viciebsku 8 listapada. Jaho abvinavačvajuć u «zakładvańni schovanki ź cikavymi dla zamiežnych śpiecsłužbaŭ źviestkami». Pavodle artykuła 356 Kryminalnaha kodeksa (zdrada dziaržavie ŭ formie praviadzieńnia ahienturnaj dziejnaści) jamu pahražaje ad 7 da 15 hadoŭ pazbaŭleńnia voli.
