Pa vynikach 2012 hoda respublikanski biudžet u Biełarusi skłaŭsia z deficytam kala 0,5 trłn. rubloŭ pry zapłanavanym pieršapačatkova biezdeficytnym vykanańni, paviedamiŭ ministr finansaŭ Andrej Charkaviec u intervju časopisu «Finansy, učiet, audit».
Pavodle słoŭ kiraŭnika Minfina, letaś na dachodnuju častku biudžetu paŭpłyvała źnižeńnie pastupleńniaŭ ad ekspartu ŭ suviazi sa skaračeńniem źniešniaha popytu na kalijnyja ŭhanieńni. Akramia taho, rost ekspartu tavaraŭ pryvioŭ da pavieličeńnia viartańnia PDK eksparcioram, a ŭmacavańnie kursu biełaruskaha rubla ŭ paraŭnańni z pryniatym pry farmiravańni biudžetu nie dazvoliła atrymać zapłanavanyja dachody ad źniešnieekanamičnaj dziejnaści.
«Jašče adna pryčyna — pamianšeńnie abjomaŭ impartu tavaraŭ u Rasijskuju Fiederacyju ŭ paraŭnańni z prahnozam pryviało da źnižeńnia abjomu ŭvaznych mytnych pošlin, što pieraličvajucca z Rasii ŭ biełaruski biudžet u adpaviednaści z pahadnieńniem ab ustanaŭleńni i prymianieńni ŭ Mytnym sajuzie paradku zaličeńnia i raźmierkavańnia ŭvaznych mytnych pošlin», — patłumačyŭ kiraŭnik Minfina.
Pavodle jaho słoŭ, na pastupleńni dachodnych krynic biudžetu akazała taksama ŭpłyŭ «zapavolvańnie ekanamičnaj aktyŭnaści arhanizacyj krainy ŭ siłu ŭpłyvu faktaraŭ stabilizacyjnaj makraekanamičnaj palityki, jakaja realizujecca». Častkova straty byli kampiensavany dadatkovymi pastupleńniami padatku na prybytak, pavieličeńniem stavak akcyzaŭ, uviadzieńniem śpiecyjalnaha zboru na ekspart kalijnych uhnajeńniaŭ, dadatkovymi dachodami metavych biudžetnych fondaŭ.
«Adnačasova nami praviedziena praca pa revizii raschodaŭ biudžetu pa asobnych kirunkach, acency ich metazhodnaści z tym, kab pieraraźmierkavać resursy na finansavańnie zarabotnaj płaty, subsidziravańnie sacyjalna značnych pasłuh, a taksama na zabieśpiačeńnie bolšaj dastupnaści pradpryjemstvaŭ realnaha siektara ekanomiki da bankaŭskich kredytaŭ u ramkach dziaržaŭnych prahram. Pry hetym udałosia biudžetnyja abaviazacielstvy skarektavać u abjomach, jakija nie ciahnuć paharšeńnia dla dziejnaści biudžetnaha siektara, što ŭkazvaje na patencyjał źnižeńnia raschodaŭ biudžetu i ŭ budučyni», — adznačyŭ ministr finansaŭ.
U vyniku, pavodle słoŭ Andreja Charkaŭca, respublikanski biudžet pa vynikach 2012 hoda vykanany ź niaznačnym deficytam. Zhodna z papiaredniaj acenkaj, jaho pamier skłaŭ kala 0,5 trłn. rubloŭ.
U toj ža čas biudžet centralnaha ŭrada (respublikanski biudžet i biudžet Fondu sacyjalnaj abarony — mienavita takaja kansalidacyja prymianiajecca pry acency mižnarodnymi finansavymi arhanizacyjami apieracyj urada) vykanany z praficytam u 0,2 trłn. rubloŭ. «Takim čynam, u najaŭnaści dakładny raźlik zbałansavanaści biudžetu», — kanstatavaŭ ministr finansaŭ.
Da taho ž, pradoŭžyŭ jon, u cełym vykanańnie kansalidavanaha biudžetu siektara dziaržaŭnaha kiravańnia, heta značyć z ulikam jašče i rehistarlnych biudžetaŭ, zabiaśpiečana z praficytam kala 3 trłn. rubloŭ.
