17-hadovy ŭhnaŭ dva «Opieli Askona» za adnu noč, adzin raźbiŭ 1

Dvajny ŭhon aŭtamabilaŭ nočču 22 studzienia raskryli supracoŭniki Dziaržaŭtainśpiekcyi Hrodzienskaj vobłaści.

Jak paviedamili va ŭpraŭleńni DAI UUS Hrodzienskaha abłvykankama, kala 4.00 u dziažurnuju častku pastupiła infarmacyja pra toje, što na vulicy Biełyja Rosy aŭtamašyna źniesła śviatłafor. Vyjechaŭšy na miesca zdareńnia, supracoŭniki darožna-patrulnaj słužby ŭbačyli «Opiel-Askonu» bardovaha koleru z techničnymi paškodžańniami i paškodžany śviatłafor. U «Opieli» nikoha nie było, a z zamka zapalvańnia aŭtamabila vystupała źviazka pravadoŭ. U hety momant pa biaźludnaj vulicy mima inśpiektaraŭ na vialikaj chutkaści praniesłasia hetkaja ž aŭtamašyna, tolki sierabrystaha koleru, z zamierzłym škłom.

U jaje pieraśledzie brali ŭdzieł ekipažy DAI i narady departamienta achovy. Mašynu spynili, i ź jaje sałona vybiehli troje. Dvuch udałosia zatrymać. Za rulom «Opiela» byŭ 17-hadovy niećviarozy padletak.

Pavodle papiaredniaj infarmacyi, junak z dvuma siabrami nočču pili piva. Hulajučy pa dvarach, vyrašyli pakatacca na ŭbačanym «Opieli». Trapić u mašynu im dapamahli klučy ad takoj ža marki. Na vulicy Biełyja Rosy vadziciel nie spraviŭsia z kiravańniem i ŭrezaŭsia ŭ śviatłafor. Spałochaŭšysia, maładyja ludzi ŭciakli ź miesca zdareńnia. U susiednim dvary jany natknulisia na takuju ž «Askonu», uhnali jaje i byli zatrymanyja.

Idzie razbor.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH