Jana zhadziłasia. Pieršy taki dzień adbyŭsia ŭ pačatku śniežnia: usie pradmiety (akramia zamiežnych movaŭ) vykładalisia na rodnaj movie, a sami vučni razmaŭlali vyklučna
«Ja pryjšoŭ pierad vučobaj, pastaviŭ narodnuju muzyku i paviesiŭ na ŭvachodzie płakat ab tym, što siońnia dzień biełaruskaj movy. Taksama raźviesiŭ płakaty na doškach abjavaŭ. Na ŭvachodzie davaŭ dzieciam razdrukoŭki, što siońnia za dzień», — kaža Daniła Astroŭski.
«U nas byŭ urok matematykipa-biełarusku , i samaje pryjemnaje, što ŭsie ŭsio razumieli. Napačatku adna dziaŭčyna była suprać, ale ŭ cełym vučni ŭspryniali taki ekśpierymient pazityŭna».
U školnaj stałovaj u hety dzień padavali stravy biełaruskaj kuchni — draniki, zrazy z bulbaj, viniehret, čorny chleb i sałatu z kapusty.
«Ja miarkuju, kali zrabić padobnyja dni bolš častymi i dadać konkursy, to mova b adradžałasia. Spačatku adna škoła, potym uvieś horad, vobłaść, a tam hladziš, i ŭsia kraina», — kaža dziesiacikłaśnik.
«Budu prasić dyrektarku rabić takoje štomiesiac. A paśla — štotydzień».
Vučni ad 2 da 9 kłasaŭ vielmi adkazna pastavilisia da dnia biełaruskaj movy, a voś sa starejšymi było bolš składana, adznačyŭ dziesiacikłaśnik. Sam jon kaža, što prapanavaŭ dyrektarcy pravodzić dni biełaruskaj movy praz toje, što rodnaj movy prosta brakuje ŭ školnym žyćci.
