Dva mahaziny Mahilova — «Centralny» i «Jubilejny» — płanujuć handlavać poźnim viečaram 21 śniežnia pa źnižanych cenach.
Mahilaŭčanie i hości horada z 20.00 da 24.00 21 śniežnia zmohuć nabyć tavary sa źnižeńniem handlovaj nadbaŭki, paviedamili ŭ adździele ideałahičnaj pracy Mahiloŭskaha harvykankama.
Jak paviedamiła namieśnik načalnika haradskoha ŭpraŭleńnia handlu i pasłuh Alena Vołkava, takaja akcyja ŭpieršyniu projdzie ŭ Mahilovie. Jana zaznačyła, što subjekty haspadarańnia sami jaje arhanizoŭvajuć pa inicyjatyvie dziaržorhanaŭ. Zaraz vyrašajecca pytańnie vykanańnia pracoŭnaha zakanadaŭstva ŭ dačynieńni da rabotnikaŭ handlu hetych mahazinaŭ pry praviadzieńni načnoj akcyi.
Jak paviedamiła dyrektar mahazina «Jubilejny» Valancina Kisialova, skidki na tavary ŭ «Noč rasprodažu», mahčyma, buduć na ŭzroŭni 20% ad roźničnaj cany.
Va ŭniviermahu «Centralny», jak zajaviŭ namieśnik hienieralnaha dyrektara Siarhiej Byčkoŭ, pakul nie raspracavali kančatkovy miechanizm praviadzieńnia akcyi — vyznačajucca hrupy tavaraŭ, na jakija buduć zroblenyja skidki.
