Jeŭrasajuz nie hatovy da narmalizacyi adnosinaŭ ź Biełaruśsiu pry ciapierašnim kiraŭnictvie krainy i admovie ad masavaha rasprodažu dziaržułasnaści.Ab hetym zajaviŭ Alaksandr Łukašenka na sustrečy z členami Kłuba hałoŭnych redaktaraŭ krain SND, Bałtyi i Hruzii.
«Vy [Jeŭrasajuz] z nami vybudujecie adnosiny tolki tady, kali tut nie budzie Łukašenka, kali tut budzie źmienieny palityčny ład i kali tut budzie ŭsio addadziena na rasprodaž, pažadana Zachadu. Paviercie, u mianie dastatkova infarmacyi pa hetych pytańniach», — skazaŭ jon.
«Byccam by apłot demakratyi (mnohija krainy i ŭ cełym ES), takija prasunutyja ŭ pravach čałavieka. Nas vy paprakajecie ŭ parušeńni hetych pravoŭ. Ale my za apošni čas nie zabili nivodnaha čałavieka ni ŭnutry, ni za miežami našaj krainy, parušyŭšy pravy čałavieka. A vy, ja maju na ŭvazie ES, źniščajecie cełyja dziaržavy. Što vam da Afhanistana, Iraka, Livii, Siryi i inšych dziaržaŭ. Chiba vy tam lepš zrabili? Vy ž zahubili tam tysiačy ludziej! Jakija ž heta pravy čałavieka?» — padkreśliŭ Alaksandr Łukašenka.
Na dumku Łukašenki, umiašańnie z boku ES va ŭnutranyja spravy hetych krain nie dało stanoŭčych vynikaŭ. Tamu kali palityki ES sprabujuć nas vučyć zachavańniu pravoŭ čałavieka, tut heta vyklikaje poŭnaje abureńnie.
tym bolš my padtrymlivali dobryja adnosiny z šeraham krain, jakija ja nazyvaŭ. Ja dobra viedaju lidaraŭ hetych krain.Łukašenka nahadaŭ, što asabista znajomy ź lidarami mnohich krain, jakija krytykujuć ES: «Ja stary palityk, ja ŭ mnohija pracesy byŭ uciahnuty,
Naprykład, Bašara Asada… Kali b jon tut prysutničaŭ i vy ź im pahavaryli, vy b skazali, što jon intelihientny čałaviek «.
Alaksandr Łukašenka raskazaŭ, što asabista pierakanaŭsia ŭ padvojnych standartach i niaščyraści jeŭrapiejskich palitykaŭ paśla prezidenckich vybaraŭ 2010 hoda.
Tady jany abiacali «załatyja hory» ŭzamien na vykanańnie asobnych umoŭ. «Hałoŭny paprok — vy zatrymali ludziej. Ale my ich ślozatačyvym hazam nie ckavali, jak heta robicca ŭ niekatorych jeŭrapiejskich krainach, humovymi kulami nie rasstrelvali, — skazaŭ jon. — U nas nikoli navat vadamioty nie vykarystoŭvali suprać niezakonnych demanstracyj. U nas nikoli hetaha nie było, ale vy hetaha nie chočacie bačyć».
Razam z tym Alaksandr Łukašenka raźličvaje, što «zdarovaje kaliści voźmie vierch» i ŭzajemaadnosiny Biełarusi ź ES narmalizujucca.
