Amierykanskija navukoŭcy zajavili, što im udałosia raskryć tajamnicu Biermudskaha trochkutnika, jaki, jak viadoma, prasłaviŭsia tym, što tam źnikajuć karabli, ludzi i samaloty.
Na dumku daśledčykaŭ, pryčynaj źniknieńnia samalotaŭ i karabloŭ źjaŭlajecca haz mietan, tak jak padčas abśledavańnia marskoha dna było znojdziena mnostva hidrataŭ mietanu (miescy byłych vyviaržeńniaŭ padvodnych vułkanaŭ). Navukoŭcy miarkujuć, što pry vyzvaleńni z akijanskich raskolin hety haz pieratvarajecca ŭ hazavyja burbałki, jakija zatym hieamietryčna pašyrajucca i vybuchajuć na pavierchni vady.
U svajoj pracy navukoŭcy vykarystoŭvali kampjutarnaje madelavańnie, jakoje pakazała, što kali marskoje sudna traplaje ŭ takuju mietanavuju miehaburbałku, to jano adrazu ž hublaje płavučaść i tonie. Akramia hetaha, hihanckija hazavyja burbałki zdolnyja źbivać i samaloty.
Dla taho kab paćvierdzić hetuju teoryju, daśledčyki vyrašyli pravieści ekśpierymient i pabudavali vialiki reziervuar z vadoj, u jaki ź nižniaj častcy baka pačali vypuskać vialikija burbałki mietanu, a na pavierchni hetaha reziervuara płavali cacačnyja karabli.
Vopyt pakazaŭ, što ŭ vypadku, kali karabiel znachodzicca pamiž siaredzinaj burbałki i jaho vonkavym krajem, jon tonie, a kali marskoje sudna raźmiaščajecca dosyć daloka ad kraju burbałki ci niepasredna nad im, jano zastajecca ŭ biaśpiecy.
Na dumku daśledčykaŭ, ich praca dazvalaje rastłumačyć, čamu ŭ Biermudskim trochkutniku znachodziać karabli ź miortvym ekipažam, ale biez adzinaj drapiny:
ludzi prosta zadychajucca ad atrutnaha hazu, ličać navukoŭcy.
