Aktyvisty Partyi BNF, ruchu «Za Svabodu!" I BCHD adznačyli Dzień hierojaŭ padarožžam pa miescach, źviazanych sa Słuckim paŭstańniem.
Aktyvisty Partyi BNF, ruchu «Za Svabodu!" I BCHD adznačyli Dzień hierojaŭ padarožžam pa miescach, źviazanych sa Słuckim paŭstańniem.
Lidar słuckaj supołki partyi BNF Vital Amialkovič ubačyŭ, što adbyvałasia na haradskim stadyjonie zamiest zabaronienaha mitynhu pamiaci ŭdzielnikaŭ Słuckaha zbrojnaha čynu.Nahadajem, Słucki rajvykankam zabaraniŭ Partyi BNF pravodzić 1 śniežnia mitynh, bo zapłanavaŭ na hety dzień mierapryjemstvy z nahody Suśvietnaha dnia baraćby sa ŚNIDam.
Jak akazałasia, pa ŚNIDu miascovaja viertykal vyrašyła udaryć viełaprabieham i spartyŭnym aryjentavańniem.Praŭda, sami čynoŭniki ŭ viełahonkach nie ŭdzielničali, sastupiŭšy miesca školnikam i kadetam.
Jak raspavioŭ «Salidarnaści» zajaŭnik mitynhu Vital Amialkovič, jon pryjšoŭ na stadyjon, kab vyśvietlić, ci na samaj spravie ŭłady praviaduć svajo mierapryjemstva abo admovili partyi pad nadumanaj pryčynie.
— La ŭvachoda stajali dva milicyjanty, a na samim stadyjonie nasilisia na rovarach školniki i navučency Minskaha abłasnoha kadeckaha vučylišča, — padzialiŭsia surazmoŭca. — Niekatoryja rovary vyhladali napaŭiržavymi razvaluchami, inšyja byli całkam prystojnymi.
Z-za daždžu daroha była ślizkaja, i dzieci časam padali. Lohka možna było atrymać traŭmu na takich honkach!
Praź niekalki chvilin paśla źjaŭleńnia Vitala, da jaho padyšli supracoŭniki milicyi. Adzin ź ich z uśmieškaj pradstaviŭsia, druhi, apranuty ŭ cyvilnaje, uklučyŭ videakamieru.
— Vy atrymali adkaz z Słuckaha rajvykankama ab tym, što mitynh na stadyjonie zabaronieny? — pacikaviŭsia milicyjant Šklareŭski.
— Vy razumiejecie, što ŭsio, što tut moža adbycca, na vašaj adkaznaści?
Amialkovič paćvierdziŭ, što adkaz atrymaŭ, ale admoviŭsia nieści adkaznaść za niebiaśpiečnyja viełahonki z udziełam dziaciej.
U druhoj častcy prahramy školniki spaborničali pa spartovym aryjentavańni. Na dumku Amialkoviča, nie ŭsie chłopcy zrazumieli, što adbyvałasia na stadyjonie.
— Ja čuŭ, jak dzieci, jakija vyjhrali kubak, pytalisia ŭ svajho nastaŭnika: «Skažycie, a jon załaty? A ŭ čym my siońnia ŭdzielničali?» Kampanija staršakłaśnic, sychodziačy dadomu, ździŭlałasia: «Navošta my siudy pryjšli? Tak ničoha i nie ŭbačyli».
Aktyvisty Partyi BNF, ruchu «Za Svabodu!» I BCHD u hety dzień u Słuck nie pryjechali, adznačyŭšy Dzień hierojaŭ padarožžam pa miescach, źviazanych sa Słuckim paŭstańniem, — Siemiežava, Hrozava, Čyrvonaja Słabada.
