Літоўскія мытнікі затрымалі груз снарадаў з Расіі. На мінулым тыдні праз пункты Катлоўка — Лаварышкі была здзейснена спроба правезці скрыню са снарадамі, якія выкарыстоўваюць у верталётах Мі-8 і Мі-24, а таксама ў самалётах, піша Delfi.
Кіроўца, які вёз груз стратэгічнага значэння, сказаў мытнікам, што ўзяў яго ў маскоўскім аэрапорце «Дамадзедава». Прадстаўнікі літоўскай мытні паведамляюць, што мужчына прад'явіў дэкларацыю і іншыя дакументы на груз, а таксама паказаў скрыню вагой каля 9 кг, у якой знаходзіліся снарады. Аднак адкрыць яе мужчына адмовіўся, каб не парушыць герметычнасці ўпакоўкі.
У дакументах было сказана, што снарады вязуць з Расіі, а іх атрымальнік — кампанія з Перу. Кошт аднаго пірапатрона, па дакументах, складае 75,9 еўра, а ўсяго грузу — 7590 еўра. Мытнікі праверылі скрыню на рэнтгенаўскім апараце і пераканаліся, што ў ёй знаходзяцца 100 прадметаў, якія нагадваюць патроны.
Груз затрымалі.
