У Чэрыкаве хлопчык выпіў «кампоту», а там аказалася зусім іншае
Пяцігадовы хлопчык у Чэрыкаве на Магілёўшчыне замест кампоту выпіў ачышчальнік рухавіка і цяпер знаходзіцца ў рэанімацыі мясцовай бальніцы. Пра гэта паведаміў тэлеграм-канал Следчага камітэта.
01.03.2024 / 22:02
Інцыдэнт адбыўся днём 1 сакавіка. Паведамляецца, што дзіця пайшло разам з дзедам у гараж, дзе пенсіянер рамантаваў свой аўтамабіль. Пакуль дзядуля аглядаў аўто пад капотам, унук узяў у машыне пластыкавую бутэльку з ружовай вадкасцю і зрабіў з яе некалькі глыткоў.
На жаль, у гэтай бутэльцы знаходзіўся таксічны ачышчальнік рухавіка, а дзіця ўвяло ў зман тое, што ў вонкава падобнай бутэльцы ў салоне аўто знаходзіўся вішнёвы кампот.
Цяпер хлопчык знаходзіцца ў бальніцы, але жыццю дзіцяці ўжо, як паведамляецца, нічога не пагражае.
Чытайце таксама:
У Расіі мужчына купіў мінералкі, адпіў глыток і памёр
У Бярозаўскім раёне пенсіянерка атруцілася апенькамі. Як так сталася?
Беларус паеў хатніх марынаваных агуркоў з памідорамі і ледзь не памёр