Zapiakanka z kurycaj, rysam i brokali — recept
Hetaja zapiakanka z kurycy, brokali i rysu — mienavita taja chutkaja, lohkaja i pažyŭnaja viačera, jakuju vy šukajecie.
16.03.2024 / 08:07
Fota: eatwell101.com
Vam spatrebicca:
- 450 h tonka narezanych kurynych hrudak
- sol i čorny pierac
- 3 łyžki aliŭkavaha aleju
- 1 siaredniaja žoŭtaja cybulina, ababranaja i drobna parezanaja
- 2 zubčyki časnaku, drobna parezanyja
- 1 kubak daŭhaziornaha biełaha rysu
- 2 kubki kurynaha bulonu
- 1 kubak viarškoŭ tłustaści 12%
- 1 siaredniaja hałoŭka brokali, abrezanaja i razrezanaja na nievialikija sukviećci (kala 3 šklanak)
- 220 h ciortaha syru (naprykład, čedaru)
- ½ šklanki panirovačnych sucharoŭ
- 2 łyžki drobna naciortaha parmiezanu
Jak hatavać:
- Nahrejcie duchoŭku da 180℃. Natrycie kurycu 1 čajnaj łyžkaj soli i ½ čajnaj łyžki piercu.
- Nahrejcie 1 stałovuju łyžku aliŭkavaha aleju ŭ hłybokaj haračatryvałaj patelni na siarednim ahni. Dadajcie cybulu i časnok i hatujcie, čas ad času pamiešvajučy, pakul jany nie pačnuć raźmiakčacca, kala 5 chvilin.
- Dadajcie rys i pieramiašajcie. Dadajcie kuryny bulon, viarški i pałovu čajnaj łyžki soli (možna bolš — jak vam padabajecca); raźmiašajcie jak śled. Nakryjcie viečkam i adpraŭcie ŭ duchoŭku na 20 chvilin.
- Dastańcie z duchoŭki i pieramiašajcie. Dadajcie kurycu, brokali i syr; pieramiešvajcie, pakul syr nie raspłavicca. Razraŭnujcie roŭnym płastom.
- Pieramiašajcie panirovačnyja suchary i 2 stałovyja łyžki aliŭkavaha aleju i pasypcie ježu źvierchu, potym pasypcie jašče parmiezanam. Viarnicie stravu ŭ duchoŭku i zapiakajcie, pakul rys nie stanie miakkim, a vierch — załacista-karyčnievym i puzyrystym, jašče 20 chvilin.
- Patrymajcie zapiakanku ŭ duchoŭcy jašče ad 2 da 5 chvilin na nizkaj tempieratury, kab zapiakanka padrumianilisia. Pierad padačaj astudzicie kala 5 chvilin.
Smačna jeści!
Čytajcie taksama:
Bliny na aŭsianaj muce — recept i asablivaści hatavańnia
Idealny harnir — kapusta, zapiečanaja z sousam tachini