Унікальны выпадак: галкіпер зборнай Паўднёвай Афрыкі адбіў у чвэрцьфінале чатыры пенальці з пяці!
Трылер у плэй-оф Кубку Афрыкі па футболе дастойны Хічкока і Лінча.
04.02.2024 / 11:38
Скрыншот відэа
Учора на Кубку Афрыкі па футболе, што праходзіць у Кот-д'Івуары, вызначыліся паўфіналісты.
Да зборных Нігерыі, Кот д'Івуара і ДР Конга дадалася зборная Паўднёвай Афрыкі, якая апошні раз гуляла ў паўфінале гэтага турніру ў 2000 годзе.
Асноўны і дадатковы час скончыўся 0:0, а ў серыі пенальці 31-гадовы галкіпер ПАР Ронвэн Уільямс з мясцовага клуба «Мамелоды Сандаўнс» адбіў чатыры пенальці з пяці.
Зборная ПАР не забіла, у сваю чаргу два 11-метровыя — 1:2.
Паглядзіце гэта відэа і радасць «Бафаны Бафаны» пасля феерычнай перамогі.
Такім чынам у паўфіналах у сераду згуляюць: Нігерыя — Паўднёвая Афрыка, Кот д'Івуар — ДР Конга.
Паралельна праходзіць таксама Кубак Азіі па футболе.
Там паўфіналісты наступныя: Іарданія — Паўднёвая Карэя, Катар — Іран.
Чытайце таксама:
Унікальная зборная разрывае Кубак Афрыкі па футболе. За яе гуляюць нават ірландцы і нідэрландцы
Целаахоўнік Месі стаў удзельнікам незвычайнага інцыдэнту, баронячы Ліянэля ў Ганконгу
На футбольным матчы ў Мексіцы застрэлілі былога абаронцу зборнай Балівіі