J:Морс дасць канцэрт на даху ў цэнтры еўрапейскай сталіцы
Беларускі поп-рок гурт J:Морс у ліпені выступіць у цэнтры Варшавы з незвычайным канцэртам — музыкі будуць граць на даху Chopin Boutique.
10.06.2023 / 07:41
Гурт J:МОРС. Фота: фейсбук калектыву
Музыкі вядомыя выступленнямі ў атмасферных месцах у розных гарадах, гэтым разам гурт вырашыў даць эксклюзіўны канцэрт у прамым сэнсе слова на вышыні — на даху варшаўскага гатэля Chopin Boutique, піша Reform.by.
«Мы рыхтуем спецыяльную акустычную праграму, таксама вас чакаюць welcome drink ды закускі і, канешне, рамантычны захад сонца», — рэкламуюць свой ліпеньскі выхад да публікі выканаўцы такіх песен як «Вікторыя», «Бывай», «1986», «Зямля», «Не памірай» ды іншыя.
«Морсы» ў лютым ладзілі кватэрнік на Дзень усіх закаханых у Варшаве, увесну бэнд гастраляваў у Кракаве і Беластоку.
Ліпенскі канцэрт адбудзецца 7 ліпеня а 19.00 па адрасе вуліца Смольная, 14 (ul. Smolna 14). Квіткі можна набыць тут.
Чытайце таксама: