У Беларусь прыходзіць новы аўтамабільны брэнд з Кітая — Voyah, які спецыялізуецца на электрамабілях
Voyah ўваходзіць у топ папулярных для прывозу з Кітая машын, нараўне з BYD, Li і Zeekr. І вось сёння аб'явілі аб адкрыцці афіцыйнага прадстаўніцтва маркі ў краіне, піша Onliner.
08.06.2023 / 14:10
Voyah — даччыная марка Dongfeng Motor Corporation, спецыялізуецца на электрамабілях.
Voyah ужо выйшла на расійскі рынак з трыма мадэлямі, зараз будзе прысутнічаць і ў РБ.
Для дэманстрацыі мадэльнага шэрагу Voyah пакажам падборку фота машын брэнда, прадстаўленых на аўтасалоне ў Шанхаі.
Падчас прэзентацыі агучылі некалькі фактаў пра Voyah.
- Мадэлі пабудаваны на адзінай платформе, спецыяльна распрацаванай для электрамабіляў.
- Батарэі знаходзяцца ў бяспечным пяціслаёвым пакаванні, якое перашкаджае ўзгаранню.
- Аўтамабілі пратэставаны ў зімовых умовах. Запэўніваюць, што вынік даследаванняў дапамог дасягнуць паказчыка +30% запасу хады ў мароз.
- Брэнд запускае па адной мадэлі за год. Першапачаткова накіраваны на патрабавальнага еўрапейскага пакупніка.
- Падвеска пнеўматычная, з інтэлектуальнымі (якія падладжваюцца) функцыямі.
- Мадэльны шэраг складаецца з трох машын: кросовер Free, мінівэн Dream, седан Passion.
Першым у Беларусь прыедзе Voyah Free. Запас ходу — 500 км па цыкле WLTP. Ёмістасць батарэі — 103 кВт/г. Магутнасць пярэдняга рухавіка — 160 кВ, задняга — 200 кВ. Максімальная хуткасць — 200 км/г. Разгон да сотні — 4,7 секунды.
Услед за Free павінен з'явіцца мінівэн Dream з электраматорам магутнасцю 435 л. с. Ёмістасць батарэі складае 108,7 кВт/г, што забяспечвае запас ходу ў 482 кіламетра па цыкле WLTP. Dream разганяецца да сотні за 5,9 секунды.
Апошні па храналогіі вынахаду аўтамабіль паўнапрывадны седан Passion з запасам ходу ў залежнасці ад версіі — 482 і 608 км.
Стартавы кошт для аўтамабіляў Voyah — 182 тысяч рублёў, то-бок звыш за 70 тысяч даляраў.
Чытайце таксама:
Гэты аўтамабіль цяпер самы прадаваны ў свеце
У Беларусі аднавілі продаж аўтамабіляў Mazda
Як шматдзетных і інвалідаў падстаўляюць на дзясяткі тысяч даляраў пры пакупцы аўто