Фота: «Атлант-М Холпі»
У сталічным салоне Mazda на Баравой пасля гадавога перапынку з'явіліся новыя аўтамабілі, сабраныя ў Японіі. Гэта ўжо знаёмыя айчынным аўтамабілістам седаны Mazda 3, Mazda 6, красоверы СХ-9 і СХ-30, а таксама навінка — Mazda СХ-5.
Як паведамілі ў кампаніі, гэта не наўпрост дылерскія пастаўкі. Тым не менш усе аўтамабілі прайшлі ў Беларусі поўную мытную ачыстку, і на іх будзе распаўсюджвацца дылерская гарантыя, гэтак жа як і на машыны, якія раней пастаўляліся з Расіі. Пакуль тэрмін гарантыі — два гады або 100 тыс. км прабегу.
Першая пастаўка склала 12 аўтамабіляў, якія былі распрададзеныя яшчэ падчас знаходжання грузу ў дарозе. Дылер абяцае, што цяпер такія пастаўкі стануць штомесячнымі.
Фота: «Атлант-М Холпі»
Вось якія цэны ўстанавілі на мадэльны шэраг, які пастаўляецца на сёння ў краіну: Mazda 3 — 108,6 тыс. рублёў ($37,2 тыс.); Mazda 6 — 162,1 тыс. рублёў ($55,5 тыс.); СХ-9 — 220,1 тыс. рублёў ($75,3 тыс.); CX-30 — 132,5 тыс. рублёў ($45,3 тыс.); CX-5 — 131,1 тыс. рублёў (каля $45 тыс.).
«Атлант-М Холпі» плануе прадаваць машыны як у салоне, так і пад заказ. Мяркуецца, што сярэдні тэрмін дастаўкі замовы не перавысіць стандартныя па рынку 3-4 месяцы. Прычым купляць такія машыны ў Беларусі змогуць і расійскія кліенты.
У 2022 годзе Mazda прадала сваю долю ў сумесным прадпрыемстве ва Уладзівастоку свайму расійскаму партнёру — кампаніі «Солерс». Паведамлялася, што перазапуск завода на новай мадэльнай лінейцы адбудзецца ў 2023 годзе.
