Украінскія беспілотнікі ноччу зноў атакавалі НПЗ у Краснадарскім краі
Некалькі беспілотнікаў былі збітыя на падлёце да Ільскага нафтаперапрацоўчага завода ў Краснадарскім краі Расіі. Пра гэта паведаміў у тэлеграме аператыўны штаб рэгіёна.
28.05.2023 / 10:23
Ільскі НПЗ. Фота ілюстрацыйнае
«Каля другой гадзіны ночы з суботы на нядзелю здзейсненая спроба наблізіцца да тэрыторыі Ільскага НПЗ некалькіх неўстаноўленых беспілотных апаратаў. Усе яны былі нейтралізаваныя», — адзначылі ў ведамстве.
Паводле яго, пашкоджанняў інфраструктуры НПЗ не адбылося, задымленне аператыўна ліквідавалі дзяжурныя службы завода. Пацярпелых няма.
Раней беспілотнікі двойчы атакавалі гэты самы завод 4 і 5 мая 2023 года. Абодва разы на яго тэрыторыі ўзнікаў пажар, але пра пацярпелых і значныя пашкоджанні інфраструктуры не паведамлялася.
Чытайце таксама:
Украінскай разведцы перадалі «каштоўную інфармацыю» па выніках дыверсіі ў Белгародскую вобласць
Украінскія дыверсанты атакавалі вёскі Броўнічы і Сушаны ў Бранскай вобласці Расіі