Белстат: Насельніцтва Беларусі за мінулы год скарацілася амаль на 55 тысяч чалавек
Насельніцтва Беларусі на 1 студзеня 2023 года склала 9 200 617 чалавек. Такія звесткі падаў Белстат. Калі параўноўваць з 1 студзеня 2022 года, то афіцыйнае насельніцтва краіны зменшылася на 54 907 чалавек, піша Reform.by.
28.03.2023 / 16:32
У 2021-м колькасць жыхароў краіны зменшылася на 94,1 тыс.чалавек, а ў 2020-м — на 60,6 тыс. такім чынам, за тры гады Беларусь страціла каля 200 тыс. чалавек насельніцтва.
Гарадское насельніцтва па стане на 1 студзеня 2023 года склала 7,212 млн чалавек. Яно зменшылася на 19,69 тыс. Сельскае насельніцтва скарацілася на 35,2 тыс. чалавек і склала менш за 2 млн — 1 988 212 чалавек.
Насельніцтва Мінска на 1 студзеня склала 1 995 471 чалавек. За год яно зменшылася на 1082 чалавекі.
У абласцях насельніцтва складала на 1 студзеня:
- у Брэсцкай — 1 315 405 чалавек,
- у Віцебскай — 1 091 948 чалавек,
- у Гомельскай — 1 347 469 чалавек,
- у Гродзенскай — 998 600 чалавек,
- у Магілёўскай — 989 702 чалавекі,
- у Мінскай — 1 462 021 чалавек.
Цяжка сказаць, ці можна давяраць гэтай статыстыцы, з улікам таго што раней улады Беларусі сістэматычна фальсіфікавалі выбарчую і медыцынскую статыстыку. Магчыма, рэальнае скарачэнне насельніцтва за 2020—2022 гады нават большае за абвешчаныя мінус 210 тысяч.
Чытайце таксама:
Мінск бяднее, а рэгіёны — не. Чаму так адбываецца?
Белстат: На тысячу беларусаў прыпадае 1163 беларусак
Белстат: Доля расходаў на харчаванне ў беларусаў складае амаль 40%