Rasijskaje Minabarony pachvaliła «vahnieraŭcaŭ» za bai pad Saladaram
Minabarony Rasii vystupiła z tłumačeńniem ab udziele roznych padraździaleńniaŭ u bajach za horad Saladar. U paviedamleńni havorycca, što na hetym kirunku dziejničała «raznastajnaja hrupoŭka vojskaŭ».
13.01.2023 / 20:09
«Vahnieraŭcy» ŭ Saladary. Skrynšot ź videa
«Što datyčyć niepasrednaha šturmu haradskich kvartałaŭ Saladara… — hetaja bajavaja zadača była paśpiachova vyrašanaja mužnymi i samaaddanymi dziejańniami dobraachvotnikaŭ šturmavych atradaŭ PVK Vahniera», — havorycca ŭ paviedamleńni rasijskaha Minabarony.
Pytańnie raźmierkavańnia «zasłuh» roznych rasijskich uzbrojenych hrupovak pry zachopie Saladara i nastupleńni na Bachmut adlustroŭvaje supiarečnaści pamiž roznymi centrami, jakija pretendujuć na kiravańnie vajennymi dziejańniami va Ukrainie z rasijskaha boku. PVK «Vahnier» i jahony kiraŭnik Jaŭhien Pryhožyn rabili publičnyja zajavy, ź jakich mieła vynikać, što nibyta vajujuć tam adny najomniki-«vahnieraŭcy», a ŭłasna Uzbrojenych siłaŭ tam nie vidać i nie čuvać.
Minabarony Rasii, u svaju čarhu, havoračy pra zachop Saladara, paviedamiła, što heta stała mahčyma dziakujučy ŭdaram avijacyi i artyleryi rasijskich vojskaŭ, a taksama padraździaleńniam PDV, jakija zaniali panujučyja vyšyni i błakavali Saladar. Pryhožyn rascaniŭ hetuju zajavu jak sprobu «skraści pieramohu» ŭ «Vahniera».
Novaje paviedamleńnie Minabarony, vidać, maje na mecie zhładzić hetyja supiarečnaści praz kampramisnyja farmuloŭki.