Zialenski prypyniŭ hramadzianstva 13 pradstaŭnikoŭ UPC MP. Ich mohuć departavać
Jak paviedamlaje Lb.ua, ukaz prezidenta Ukrainy byŭ padpisany 28 śniežnia, ale aficyjna nie apublikavany, bo źmiaščaje piersanalnyja danyja.
07.01.2023 / 17:50
Fota: krynicy Lb.ua
U śpis pradstaŭnikoŭ Ukrainskaj pravasłaŭnaj carkvy Maskoŭskaha patryjarchatu, hramadzianstva jakich prypynienaje ŭkazam prezidenta Ukrainy, uvajšli pradstaŭniki Danieckaj, Krymskaj i Romskaj, Adeskaj i Bukavinskaj jeparchij. Pra heta LB.ua stała viadoma z ułasnych krynic. Vydańnie maje ŭ svaim rasparadžeńni poŭny śpis asobaŭ.
Pa źviestkach vydańnia, siarod śviataroŭ, pieraličanych u dakumiencie, fihurujuć mitrapalit Tulčynski i Bracłaŭski Jonatan (jon maje rasijski pašpart, i jaho padazrajuć va Ukrainie ŭ dziaržaŭnaj zdradzie), a taksama jaho blizki paplečnik, jepiskap Sierhij Ładažski.
Apaviaščeńnie ab stracie hramadzianstva nakiravanaje ŭ Dziaržaŭnuju mihracyjnuju słužbu Ukrainy, jakaja moža departavać śviataroŭ.